Na, dat wör doch een önnigen Sömmer bi uss. Ja, wi harn dat foken to warm. Un rägnt het't ok fast gornich. Aber dat har jo ok wat för sick. Ick brukte nich denn Rasen to meihn. Dorför möss ick aber mien Krüter- un Bloomengoarn begeten. Is doch good, wenn man jümme wat ümme Hand het. Eent het mi aber gornich hööcht. Mien Kirschenboom de sidde düt Joahr wedder vull. Ick har mi all dorto freit, ganz väle Kirschen von'n Boom to ätn. Pustekuchen! De allermeisten wörn wörmstäks. Dor har ick keen Lust to, de Kirschen uppuln un na Wörms to kieken. De lange un kole Winter het woll doch nich dorto hulpen, de Wörmeier dot to freern. Un bi mine Appels schient mit dat ok so. Von de seht ok eene Masse wörmstäks ut. Dor well ick ok woll nich väl von hebben.

Aber dorför drächt mine Tomaten ganz dull. Süßt woll, dat gifft doch jümme war to Frein. Wat mokt denn so dien Goarn?